السيسي: “الفلوس بتخرج من جيب المصريين وتدخل تاني” (فيديو)

قال رئيس الانقلاب في مصر عبد الفتاح السيسي، إن المصريين ينفقون أموالهم في إنشاء المشاريع، لتعود إلى جيوبهم مرة أخرى.

وقال السيسي خلال احتفالية تطوير ميناء الإسكندرية البحري، اليوم الثلاثاء: “إحنا بنقيم دايما المسار اللي احنا ماشيين فيه واللي ممكن نمشي فيه، وكان الكلام قبل كده شوفو حد ييجي ويشتغل، ولكن احنا دلوقتي بنعمل حاجتنا وبفلوسنا، ويتكلف 10 أو 20 بنعمل.. إحنا طبعا عاوزين المشغلين معانا والمستثمرين، ولكن علشان نسهل علينا وعليهم بنعمل”.

وتابع “في طريق بيتعمل غرب الميناء، وهو محور التعمير، علشان نعمل كل حاجة وتمهد للمستثمر، وكل اللي بنقول عليه بنفذه وزيادة، وميناء زي ميناء السخنة هيتكلف حوالي 30 مليار جنيه، واللي شغاله فيه شركات مصرية كلها، والتكريك المصريين اللي بيعملوه، بتخرج الفلوس من جيب المصريين تدخل في جيبهم في حتة تانية، ثم تديني كيان على البحر الأحمر بالمستوى ده، اللي في تقديري ممكن نكون اتأخرنا على ما نوصله”.