عمان – البوصلة
يوجه الأردنيون انتقاداتٍ لاذعة لارتفاعات الأسعار الجنونية في الخضار والسلع الغذائية والدواجن عبر تبادل مقطع غنائي وحداء ساخر بمواقع التواصل الاجتماعي وعبر برامج التراسال الفوري على هواتفهم النقالة.
وانتشر بشكلٍ واسع مقطع “حداية” للفنانين شادي البوريني وصهيب الجماعيني الذي يوجه انتقادات حادة لارتفاع أسعار الخضار والسلع والدواجن بطريقة السخرية من ارتفاع أسعار الخيار والبندورة والدجاج والضرائب وغيرها، وممّا وصلت إليه الأحوال المعيشية الصعبة للمواطن العربي من حالة يرثى لها.
يذكر أنّ المؤسسة الاستهلاكية المدنية أعلنت أنّ الأسعار سترتفع بنسب تتراوح بين 5 إلى 10%، فيما أطلقت المطاعم مطالب مماثلة لرفع أسعارها حول هذه النسب.
وتاليًا كلمات الأغنية التي يتم تداولها:
لك مين اللي حاك التجار
كل شي سعره مثل النار
همي بيرفعوا الأسعار
واحنا بندفع فاتورة
وإذا فتنا عالممنوع
الناس بتذرف دموع
الناس إذا بتشكي الجوع
شو ما بتعمل معذورة
مين اللي فينا مرتاح
لا العامل ولا الفلاح
تصار يغني التفاح
يا ريتني بندورة
ومن هاي الحالة الصعبة
الله يعينك يا شعبي
تصرنا حد الحسبة
نخاف نساوي قزدورة
والخيار مزعلنا
بتكبر ع مخللنا
من يومة ما بطلنا
نزرعله بالحاكورة
لا تلوم المزارعين
وتاجر صاحب ملايين
الضريبة صارت ميتين
والمية قصة مشهورة
أنا من وضع بلادي الرهيب
والغلا فيها عجيب
صار اللي جاجة بيجيب
يتصور معها صورة
يا شادي بدها كفيل
مش بس سكر مش بس طحين
كل شي غالي الله يعين
هاي الناس الصبورة
لو سنغفورة لو ترجع
كانت بالماضي مستنقع
اليوم أوروبا بتطمع
تصبح زي سنغفورة
احنا صرنا بمستنقع
وضع فش منه أصعب
بنجي من جورة نطلع
بنرجع نوقع في جورة
(البوصلة)
